Отче наш: (единожды). Богородице Дево: 10 раз.
Рождество Твое, Богородице Дево, радость возвести всей вселенней:/ из Тебе бо возсия Солнце правды, Христос Бог наш,/ и, разрушив клятву, даде благословение/ и, упразднив смерть, дарова нам живот вечный.
Далее: О, Пресвятая Владычице Богородице, спаси и сохрани рабов Твоих (имена родителей, сродников, духовных чад), а усопших сродников моих (тук се поменават имената на покойниците)со святыми упокой в вечной славе Твоей.
2. Введение во храм Пресвятой Богородицы
Отче наш: (единожды). Богородице Дево: 10 раз.
Днесь благоволения Божия предображение,/ и человеков спасения проповедание,/ в храме Божии ясно Дева является, и Христа всем предвозвещает./ Той и мы велегласно возопиим:/ радуйся, смотрения Зиждителева исполнение.
Далее: О, Пресвятая Владычице Богородице, спаси, сохрани и соедини ко Святей Православной Церкви заблуждшия и отпадшия рабы Твоя (имена).
3. Благовещение Пресвятой Богородицы
Отче наш: (единожды). Богородице Дево: 10 раз.
Днесь спасения нашего главизна,/ и еже от века таинства явление,/ Сын Божий, Сын Девы бывает, и Гавриил благодать благовествует,/ темже и мы с ним Богородице возопиим:/ радуйся, Благодатная, Господь с Тобою.
Далее: О, Пресвятая Владычице Богородице, утоли наша скорби и подаждь утешение скорбящим и болящим рабом Твоим (имена).
Бездетные родители могут помолиться Божией Матери о чадородии.
4. Радостная встреча Пресвятой Богородицы с праведной Елисаветой
Отче наш: (единожды). Богородице Дево: 10 раз.
Достойно есть, яко воистинну,/ блажити Тя, Богородицу,/ Присноблаженную и Пренепорочную и Матерь Бога нашего./ Честнейшую Херувим и славнейшую без сравнения Серафим,/ без истления Бога Слова рождшую,/ сущую Богородицу Тя величаем.
Далее: О, Пресвятая Владычице Богородице, соедини в разлуке находящияся рабы Твоя (имена). Если есть заключенные в тюрьме: О, Пресвятая Владычице Богородице, спаси, сохрани и свободи от темничных уз рабов Твоих (имена).
5. Рождество Христово
Отче наш: (единожды). Богородице Дево: 10 раз.
Рождество Твое, Христе Боже наш,/ возсия мирови свет разума:/ в нем бо звездам служащии, звездою учахуся/ Тебе кланятися, Солнцу правды,/ и Тебе ведети с высоты Востока./ Господи, слава Тебе.
Далее: О, Пресвятая Владычице Богородице, даждь мне, во Христа крестившемуся (крестившейся), во Христа облещися.
6. Сретение Господне
Отче наш: (единожды). Богородице Дево: 10 раз.
Радуйся, Благодатная Богородице Дево,/ из Тебе бо возсия Солнце правды, Христос Бог наш,/ просвещаяй сущия во тьме./ Веселися и ты, старче праведный,/ приемый во объятия Свободителя душ наших,/ дарующаго нам воскресение.
Далее: О, Пресвятая Владычице Богородице, сподоби мя при последнем моем издыхании причаститися Святых Христовых Таин и помози пройти страшная мытарства.
7. Бегство Пресвятой Богородице с Богомладенцем Иисусом в Египет
Отче наш: (единожды). Богородице Дево: 10 раз.
Взбранной Воеводе победительная,/ яко избавльшеся от злых, благодарственная восписуем Ти, раби Твои, Богородице,/ но яко имущая державу непобедимую,/ от всяких нас бед свободи, да зовем Ти:/ радуйся, Невесто Неневестная.
Далее: О, Пресвятая Владычице Богородице, не даждь мне внити во искушение, но избави мя от лукаваго.
8. Скорбь Пресвятой Богородицы,3 дня искавшей Отрока Иисуса
Отче наш: (единожды). Богородице Дево: 10 раз.
Взбранной Воеводе победительная,/ яко избавльшеся от злых, благодарственная восписуем Ти, раби Твои, Богородице,/ но яко имущая державу непобедимую,/ от всяких нас бед свободи, да зовем Ти:/ радуйся, Невесто Неневестная.
Далее: О, Пресвятая Владычице Богородице, Пречистая Дево Марие, даруй мне непрестанную Иисусову молитву.
9. Первое чудо Иисуса Христа в Кане Галилейской
Отче наш: (единожды). Богородице Дево: 10 раз.
Взбранной Воеводе победительная,/ яко избавльшеся от злых, благодарственная восписуем Ти, раби Твои, Богородице,/ но яко имущая державу непобедимую,/ от всяких нас бед свободи, да зовем Ти:/ радуйся, Невесто Неневестная.
Далее: О, Пресвятая Владычице Богородице, помози мне во всех делех моих и избави от всякия нужды и печали.
Желающие вступить в брак могут помолиться Божией Матери о даровании спутника жизни.
10.Страсти Господни на Голгофе
Отче наш: (единожды). Богородице Дево: 10 раз.
Благообразный Иосиф с Древа снем Пречистое Тело Твое,/ плащаницею чистою обвив, и благоуханьми/ во гробе нове покрыв, 5 положи. Не рыдай Мене, Мати, зрящи во гробе,/ Егоже во чреве без семене зачала еси, Сына,/ востану бо и прославлюся,/ и вознесу со славою непрестанно, яко Бог,/ верою и любовию Тя величающыя.
Далее: О, Пресвятая Владычице Богородице, Преблагословенная Дево Марие, укрепи моя душевныя силы и отжени от мене уныние.
11.Воскресение Христово.
Отче наш: (единожды). Богородице Дево: 10 раз.
Христос воскресе из мертвых,/ смертию смерть поправ/ и сущим во гробех живот даровав (Трижды). Ангел вопияше Благодатней:/ Чистая Дево, радуйся,/ и паки реку: Радуйся!/ Твой Сын воскресе тридневен от гроба/ и мертвыя воздвигнувый./ Людие веселитеся! Светися, светися Новый Иерусалиме,/ слава бо Господня на Тебе возсия./ Ликуй ныне и веселися, Сионе./ Ты же, Чистая, красуйся, Богородице,/ о востании Рождества Твоего.
Далее: О, Пресвятая Владычице Богородице, воскреси мою грешную душу и даруй мне ревность ко спасению.
12.Вознесение Господне
Отче наш: (единожды). Богородице Дево: 10 раз.
Вознеслся еси во славе, Христе Боже наш,/ радость сотворивый учеником обетованием Святаго Духа,/ извещенным им бывшим благословением,/ яко Ты еси Сын Божий, Избавитель мира.
Далее: О, Пресвятая Владычице Богородице, избави мя от помышлений суетных и даруй мне ум бодр и сердце трезвящееся ко спасению души.
13.Пятидесятница
Отче наш: (единожды). Богородице Дево: 10 раз.
Благословен еси, Христе Боже наш,/ Иже премудры ловцы явлей,/ низпослав им Духа Святаго,/ и теми уловлей вселенную,/ Человеколюбче, слава Тебе.
Далее: О, Пресвятая Владычице Богородице, ниспосли и укрепи в сердце моем благодать Пресвятаго Духа.
14.Успение Пресвятой Богородицы
Отче наш: (единожды). Богородице Дево: 10 раз.
В рождестве девство сохранила еси,/ во успении мира не оставила еси, Богородице,/ преставилася еси к животу, Мати сущи Живота,/ и молитвами Твоими избавляеши от смерти души наша.
Далее: О, Пресвятая Владычице Богородице, даруй мне мирную и безмятежную кончину.
15.Прославление и всемирное почитание Пресвятой Богородицы
Отче наш: (единожды). Богородице Дево: 10 раз.
Достойно есть, яко воистинну,/ блажити Тя, Богородицу,/ Присноблаженную и Пренепорочную и Матерь Бога нашего./ Честнейшую Херувим и славнейшую без сравнения Серафим,/ без истления Бога Слова рождшую,/ сущую Богородицу Тя величаем.
Далее: О, Пресвятая Владычице Богородице, сохрани мя от всякаго зла и покрый мя честным Твоим омофором.
Няма коментари:
Публикуване на коментар